Një kapsulë për një ditë të tërë: I vetëshpalluri “udhëtar në kohë” zbulon atë që njerëzit do të hanë si ushqim në vitin 2075

Gazeta Express

24/01/2020 8:08

Një i vetëshpallur “udhëtar në kohë” ka vendosur të na tregojë të gjithëve ushqimin që do të konsumojmë nga viti 2075, në përpjekje për të dëshmuar se ai me të vërtetë po na viziton nga e ardhmja.

“Udhëtari në kohë”, i cili njihet si ‘Kasper’, u intervistua nga Apex TV, pasi më parë u kishte thënë atyre se do të ketë një ‘përmbytje të madhe’ në vitin 2063

 “Kjo është për shkak të ngrohjes globale në të gjithë botën – pllakat e akullit do të shkrijnë dhe do të përmbytin vijën bregdetare të Shteteve të Bashkuara dhe shumë vendeve të tjera në botë”, citohet të ketë thënë ai.

“Duke qenë nga e ardhmja, unë kam shumë detaje tronditëse për t’ju thënë – por është e vështirë të komunikosh detaje të tilla”, ka shtuar tutje Kasper.

“Unë do t’ju tregoj rreth ushqimit, nga e ardhmja. Këtu është ushqimi aktual nga viti 2075”, ka thënë Kasper derisa mbante një kavanoz të vogël të mbushur me topa të vegjël, të bardhë.

“Nuk mund të them më shumë”, tha ai, përcjell Telegrafi.

“Ajo që mund të them është se këto janë kapsula individuale, dhe duke marrë vetëm një kapsulë ju mund të jetoni për një ditë të tërë. Ju merrni një kapsulë të tillë në ditë”.

Madje, sipas tij “Nuk do të ketë më uri në Tokë, pasi do të ketë ushqim falas që u jepet të gjithëve”.

“Në vend që të keni nevojë për mini-vakte gjatë gjithë ditës, gjithçka që ju nevojitet është një nga këto dhe ju do të qëndroni gjallë gjatë gjithë ditës”, shtoi Kasper.

Në video, ai ka folur edhe për ‘detaje të mëdha tronditëse’ për vitet në vazhdim, përfshirë vitin 2028, i cili siç duket është kur jashtëtokësorët do të bëhen “NJË GJË” (e njohur për ne).