Nisin punimet për ndërtimin e Stadiumit Nacional të Kosovës


Moral Pozhegu
12 Korrik 2019 11:56

Sot kanë nisur punimet për stadiumin nacional të Kosovës. Zyrtari i lartë i Ministrisë së Sportit, Florim Kryeziu, i ka publikuar disa foto dhe një video ku shihen punimet që kanë nisur për jetësimin e stadiumit ultra-modern, që do të zhvillohet në afërsi të Drenasit

Sporti kosovar e ka marrë një lajm të madh.

Stadiumi Nacional i Kosovës ka nisur të jetësohet, shkruan Gazeta Express.

Në fakt, sot kanë nisur punimet për ndërtimin e stadiumit ultra-modern, i cili do të ndërtohet në magjistralen Prishtinë – Drenas.

Florim Kryeziu, udhëheqës i divizionit për infrastrukturë sportive në Ministrinë e Sportit i ka publikuar disa fotografi dhe një video në Facebook, ku shihet fillimi i punimeve në stadiumin kombëtar.

“Stadioni Kombëtar do bëhet”, ka shkruar zyrtari i lartë i MRKS-së.

Siç dihet, javë më parë ishte zbuluar projekti i stadiumit nacional, të cilin e ka dizajnuar një kompani turke, e cila e kishte fituar tenderin.

Stadiumi nacional pritet të kushtojë afro 50 milionë euro. /Gazeta Express/

Artikull i sponsoruar

Te fundit


Kthehu lart