Para pak minutash ka ndodhur një ngjarje e rëndë ku është qëlluar me armë drejt një automjeti në lëvizje në afërsi të stadiumit, në rrugën “Emin Matraxhiu”.
Mësohet se në afërsi të stadiumit Elbasan është gjetur një mjet i ndaluar dhe pa drejtues në brendësi dhe një gëzhojë në tokë.
Sipas burime të deri tanishme, gjithçka ka nisur me një sherr banal që ka përfunduar më pas në përdorimin e armëve të zjarrit. n
Burime bëjnë me dije se një person deri më tani është i plagosur dhe ndodhet në spital.
Sakaq, vendngjarje ka shkuar Policia, ndërsa pika kontrolli janë ngritur në gjitha rrugët hyrëse dhe dalëse të qytetit për të bërë të mundur kapjen e autorëve.
Policia ka shoqëruar disa dëshmitarë okularë të cilët kanë qenë aty kur u qëllua me breshëri ndaj një makine në lëvizje.
Mësohet se objektivi i atentatit ka qenë Ervis Çausholli, i cili ka mundur t’i shpëtojë plumbave.
Çausholli, i njohur ndryshe edhe si “korçari” është një emër mjaft i njohur për policinë në Elbasan, pasi rezulton të jetë i përfshirë në disa ngjarje të tjera kriminale në qytet.