“Nga muret e Stambollit”, libër i ri nga Përparim Blakaj

Arte

Gazeta Express

27/01/2023 15:43

Autori Përparim Blakaj ka publikuar librin e tij të radhës me tregime titulluar “Nga muret e Stambollit”.
Libri brenda tij ka rrëfenja, tregime të ndjeshme që flasin për Zotin, për fëmijërinë, filozofinë e jetës, personalitetin, pritjet e gjata e thirrjet me ofshamë, për vetminë, njerëzit e mençur e të pikëlluar, për vrasjen e grave, për (ç)burrërimin, për turpin, urrejtjen, miqtë e armiqtë, Republiken e Bananes, tregun ku shitet liria, bukën e nënës, djersën e babait.

Në librin ‘’Nga muret e Stambollit’ ‘gjejmë copëza shkrimesh për fëmijët e vuajtur të Kosovës e botës, për nacionalizmin, Ballkanin e përçudnuar, Panairin e Librit, profesorët me nam, etjen për pushtet, botën e çmendur, për kurdët, Aelian e autorit, Tokën e Premtuar e idealet përgjysmë.

Përparim Blakaj ka botuar edhe dy libra të tjerë: “Përtej syve” dhe “Çdo gjë e mirë e ka një fund”

ObserverKult