Nga 20 qershori Gjermania çel dyert për Shqipërinë, Serbinë e Maqedoninë e Veriut, por jo edhe për Kosovën

Lajme

Gazeta Express

19/06/2021 11:12

Qeveria Federale e Gjermanisë bazuar në rënien e rasteve të infektimeve me COVID-19, ka marrë vendim që të lejojë hyrjen në Gjermani për qytetarët nga SHBA-ja, Tajvani, Hong Kongu, Makau, Shqipëria, Serbia, Maqedonia e Veriut dhe Libani.

Qytetarët e këtyre shteteve lejohen të futen në territorin gjerman për çfarëdo qëllimi, përfshirë edhe turizmin.

Kjo rregullore që nuk përfshinë Kosovën, do të zbatohet nga 20 qershori, raporton Express.

Ky vendim ka ardhur pas rekomandimit të bërë nga Këshilli i Ministrave të Bashkimit Evropian.

 Lista e vendeve të treta nga të cilat dikush mund të udhëtojë në Gjermani pa kufizime është zgjeruar në një total prej 15 vendeve. Përveç atyre të reja, ato tashmë përfshijnë Australinë, Izraelin, Japoninë, Zelandën e Re, Singaporin, Korenë e Jugut dhe Tajlandën.

Kushdo që banon në një nga këto vende mund të hyjë në Gjermani pa ndonjë arsye të rëndësishme për të udhëtuar dhe pavarësisht nga statusi i tyre i vaksinimit./Express/