Netflixi shtrin edhe në katër shtete ndalimin e ndarjes së fjalëkalimeve

AutoTech

Gazeta Express

09/02/2023 22:02

Netflixi ka shtrirë vendimin e tij për ndalimin e ndarjes së fjalëkalimeve edhe në Kanada, Zelandë të Re, Portugali dhe Spanjë.

Përdoruesit në këto vende tani do të duhet të paguajnë për t’u dhënë njerëzve me të cilët nuk jetojnë qasje në llogarinë e tyre, pasi rregulla të ngjashme u aprovuan në Amerikën Latine vitin e kaluar.

Sipas rregullave të reja, abonentët e planeve Standard ose Premium të Netflix do të jenë në gjendje të paguajnë deri në dy persona jashtë familjes së tyre për të përdorur llogarinë e tyre. Kostoja e shtimit të një personi të ri do të jetë 7,99 dollarë dollarë kanadezë (5,96 dollarë), 7,99 dollarë të Zelandës së Re (5,09 dollarë) dhe 4,30 dollarë dhe 6,45 dollarë përkatësisht në Portugali dhe Spanjë, raportoi CNN-i.

Netflixi filloi të prezantojë ndryshimin vitin e kaluar në Kili, Kosta Rika, Peru, Argjentinë, Republikën Domenikane, El Salvador, Guatemalë dhe Honduras. Ai planifikon të nxjerrë rregullat e reja “më gjerësisht” diku para marsit, bëri të ditur kompania në një letër drejtuar aksionerëve muajin e kaluar.

Gjigandi i transmetimit, i cili pësoi humbje të mëdha të abonentëve vitin e kaluar, tha në një postim në blog të mërkurën se ndarja e fjalëkalimit dëmton të ardhurat e tij dhe për këtë arsye kufizoi aftësinë e tij për të investuar në përmbajtje të reja.

Sipas Netflixit, më shumë se 100 milionë familje në mbarë botën ndajnë një llogari.