Nesër në Bibliotekën Kombëtare të Kosovës ‘Pjeter Bogdani’ do të promovohet libri ‘Atman’ i autores Laura Olldashi. Shtëpia botuese e promovuese klubi i poezisë dhe autorja Laura Olldashi organizojnë promovimin e librit, më fillim nga ora 12:00.
Postimi i plotë nga autorja:
Promovimi i librit “Ātman” në Prishtinë
Është një personazh i dashur për mua që hyri në tregimet e librit “Ātman”.
Ka të ngjarë që në mënyrë të pavetëdijshme ne po e kërkonim njëra-tjetrën.
Ajo realizimin e ëndrrave të lëna mbi tokë dhe unë kuptimin e jetës time.
Ajo vajzë quhet Yllka, nga Kosova, dëshmore në betejën e Çabratit.
Kur hyri në tregimin “Ëndrrat” presenca e saj më pyeti: a po kryente jeta misionin që i është dhënë?
Herë i jam përgjigjur duke i thënë që diçka po bëj, dhe herë të tjera jam zënë në faj sepse vrulli i jetës mi harron ëndrrat.
Ka mundësi që është kjo vajzë, drita e saj e bukur, që do më shoqëroj tek ky udhëtim i ri, i pabërë më parë, tek një ëndërr që lëviz krahët për të shkuar drejtë jetës.
Libri “Ātman” promovohet edhe në Prishtinë.
Ju mirëpresim të enjten, në datë 8 dhjetor, ora 12.00 tek Amfiteatri i Bibliotekës Kombëtare ” Pjetër Bogdani”.
/Express
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...