Një foto e kryeministrit të Kosovës, Albin Kurti, gjatë protestave të viteve të ’90-ta, e publikuar para një viti nga Eliza Hoxha, tani deputete e PDK-së, është rikthyer përsëri në rrjetet sociale
Herë pas here këngëtarja dhe arkitektja kosovare, Eliza Hoxha, përmes rrjeteve të saj sociale por edhe ekspozitave të cilat i mban, publikon momente të rëndësishme nëpër të cilën ka kaluar populli i Kosovës.
Ajo nga arkiva e saj kishte shpalosur fotografi nga protestat që mbaheshin gjatë viteve të ’90-ta në Kosovë, ku ngrihej zëri kundër padrejtësive nga okupatori serb.
Eliza në këtë fotografi kishte përshkruar se si Kurti gjente mundësinë të shkruante duke u mbështetur në shpinën e një prej profesorëve të tij.