Ndikimet e ngrohjes globale po shpejtohen


Gazeta Express
22 Shtator 2019 23:54

Ndikimet e ngrohjes globale po shpejtohen, thotë hulumtimi e fundit mbi ndryshimet klimatike, botuar përpara bisedimeve kryesore të Kombeve të Bashkuara në Nju-Jork.

Të dhënat, të përpiluara nga Organizata Botërore e Meteorologjisë (ËMO), thonë se periudha pesëvjeçare nga 2014 deri në 2019 është më e nxehta e regjistruar ndonjëherë.

Rritja e nivelit të detit është përshpejtuar ndjeshëm gjatë të njëjtës periudhë, pasi emetimet e CO2 kanë arritur nivele të reja.

ËMO thotë se përpjekjet për uljen e emetimit të karbonit duhet të intensifikohen menjëherë.

Deklarata për klimën është një bashkim i shkencës më të fundit mbi shkaqet dhe ndikimet në rritje të niveleve të ngrohjes e parë në vitet e fundit.

Duke pranuar që temperaturat globale janë rritur me 1.1 Gradë Celsius që nga viti 1850, raporti vëren se ato janë rritur me 0.2 Gradë Celsius midis 2011 dhe 2015.

Kjo është si rezultat i rritjes së emetimeve të karbonit, me sasinë e gazit që hyn në atmosferë midis 2015 dhe 2019 duke u rritur me 20% krahasuar me pesë vitet e mëparshme.

Ndoshta më shqetësuese nga të gjitha janë të dhënat për rritjen e nivelit të detit.

Shkalla mesatare e rritjes që nga viti 1993 e deri më tani është 3.2 mm në vit. Sidoqoftë, nga maji 2014 deri në 2019 rritja është ngritur në 5 mm në vit. Periudha dhjetëvjeçare nga 2007-2016 pati një mesatare prej rreth 4 mm në vit.

Raporti gjithashtu thekson kërcënimet për oqeanet, me më shumë se 90% të nxehtësisë së tepërt të shkaktuar nga ndryshimet klimatike që përfundojnë në ujëra. Analiza e ËMO thotë se viti 2018 kishte vlerat më të larta të përmbajtjes së nxehtësisë së oqeanit.

Te fundit


Kthehu lart