Navas: Jemi të motivuar për ta fituar Ligën e Kampionëve

Gazeta Express

01/06/2020 23:00

Champions League është objektivi i PSG-së për këtë sezon.

Pas triumfit në Francë, ku u mbyllë kampionati më herët për shkak të pandemisë së koronavirusit, Paris Saint Germain ka kthyer fokusin kah Champions League.

UEFA po mendon që pasi të mbyllen ligat në fund të korrikut, të rinisë Ligën e Kampionëve në ditët e para të gushtit.

Portieri i PSG-së, Keylor Navas, e pranoi se të gjithë e duan Championsin dhe për këtë do të punojnë.

“Është vështirë për ta fituar Championsin, por jo e pamundur. Të gjithë shokët e mi janë super të motivuar për t’i shkuar deri në fund kësaj gare”, tha Navas.

Megjithatë, Keylor është i brengosur me situatën, pasi ekipi s’do të bëjë gara deri kur të nisë Champions League, çka do të thotë se skuadra mund të mos jetë në formën më të mirë. /Gazeta Express/