Natyrshëm, Albin Kurti sonte në Fadil Vokrri në përkrahje të Dardanëve


Gazeta Express
17 Nëntor 2019 15:04

Albin Kurti po shkel për herë të dytë në stadiumin Fadil Vokrri në Prishtinë për të përkrahur Kombëtaren e Kosovës në futboll. Kësaj radhe, lideri i Lëvizjes Vetëvendosje do t’i mbështesë kosovarët në përballje me anglezët. Kryeministri i ardhshëm i Kosovës dikur përkrahte vetëm ekipin e Shqipërisë derisa refuzonte përkrahjen e Dardanëve.

Kurti ka shkruar në Facebook se ka ndjekur disa meqë të Truneut Ndërkombëtar të Boksit “Adem Jashari”, e në mbrëmje do të jetë në stadiumin “Fadil Vokrri” për ta përkrahur lojën e Kosovës me Anglinë.

“Ndoqa disa meçe në kuadër të edicionit të 21-të të Turneut Ndërkombëtar të Boksit “Adem Jashari”. Mu në këtë sallë të Pallatit të Rinisë dikur ngadhënjente Klubi i Boksit “Prishtina”, disa orë para se në fushën e blertë të ngadhënjete Klubi Futbollistik “Prishtina” me Vokrrin që shënonte. Mirupafshim sonte në ndeshjen Kosovë-Angli”, ka shkruar Kurti.

Statusi i plotë në Facebook:

Ndryshe, Anglia tashmë e ka siguruar kualifikimin në Kampionatin Evropian të vitit 2020, mirëpo në rast se nuk fiton kundër Kosovës rrezikon të mbetet në grupin e vdekjes e garën e verës – me Portugalinë e Belgjikën.

Kosova e pret Anglinë të dielën në “Fadil Vokrri” për ndeshjen e fundit të Grupit A kualifikues për EURO 2020. Humbja kundër Kosovës do të bënte që Anglia të rrezikonte të mbetet e dyta në Grupin A, pas Çekisë, transmeton Gazeta Express.

Gjashtë nga dhjetë fituesit e grupeve kualifikuese për Evropian do të radhiten në vazon e parë, gjë që ua mundëson atyre të përballen me Kombëtare më të dobëta në letër në fazën e grupeve të EURO 2020.

Nëse Anglia fiton kundër Kosovës të dielën, atëherë ka shumë gjasa të jetë në mesin e atyre gjashtë skuadrave. Por, nëse mbetet në vazon e dytë, shorti i 30 nëntorit mund të jetë mjaft stresues për anglezët.

Nëse përfundon në vazon e dytë, Anglia rrezikon të jetë në grupin e vdekjes në EURO, ku mund të përballet me kampionen në fuqi të Evropës, Portugalinë – që e fitoi këtë turne para katër vjetëve falë ndihmës së Cristiano Ronaldos.

“Tre Luanët” e Gareth Southgate rrezikojnë të përballen edhe me Belgjikën, që e mposhti Anglinë dy herë gjatë Kupës së Botës 2018 – 1:0 në fazën e grupeve dhe pastaj 2:0 në play-offin për vendin e tretë të turneut.

Megjithatë, se kush do të jenë kundërshtarët e Anglisë me të vërtetë në fazën e grupeve të Evropianit do të zbulohet pas 15 ditësh, në Bukuresht të Rumanisë, ku do të mbahet shorti.

Te fundit


Kthehu lart