Myrto Uzuni është duke e kaluar sezonin më të mirë të karrierës.
Sulmuesi shqiptar po shkëlqen në futbollin spanjoll, shkruan “Gazeta Express”.
Përfaqësuesi shqiptar i ka realizuar plot 20 gol në fanellën e Granadas deri tash në sezonin 2022/23.
Kjo ka bërë që ky ekip të ketë renditje mjaft të mirë në ligën e dytë spanjolle.
E beratasi me këtë rast e sheh veten duke i rivalizuar yjet e futbollit evropian.
Numrat e tij nuk janë fort larg atyre të yjeve si Haaland, Mbappe, Lewandowski apo Osimhen, përkundër faktit se bën pjesë në një nivel më të ulët garash.
27-vjeçari e ka një statistikë prej 0.63 goli për ndeshje dhe me këtë rast e lë prapa sulmuesin e Barcelonës, i cili e ka mesataren prej 0.6 goli për ndeshje, shkruan “Gazeta Express”.
E më së miri në Evropë qëndron sulmuesi i Manchester Cityt, i cili e ka një mesatare të frikshme prej 1.04 goli për ndeshje. /Gazeta Express/
Statistikat e golave në futbollin evropian
Haaland 1.04 gola/ndeshje
Osimhen 0.73 gola/ndeshje
Mbappe 0.7 gola/ndeshje
Uzuni 0.63 gola/ndeshje
Lewandowski 0.6 gola/ndeshje
Fullkrug 0.6 gola/ndeshje