I përulur, punëtorë dhe me një qëllim – të arrijë sa më shumë gjëra në karrierë.
Ky është Vedat Muriqi, për të cilin po flitet shumë në Turqi, sidomos pas dy golave tjerë që shënoi në fitoren 5-2 të Fenerbahçes kundër Genclerbirligi.
Ai edhe njëherë tregoi se është sulmues klasi, derisa i përulur, tha se me rëndësi janë tri pikët se sa golat e tij.
“Fitoret e ekipit tim janë më të rëndësishme se golat e mi. Jemi të lumtur. Javën tjetër të jemi gati për Sivasporin. Duhet të jemi gati’’, deklaroi Muriqi.
25-vjeçari u largua nga loja pas minutës së 70-të.
Pas ndeshjes, ai konfirmoi se ishte për një masë paraprake për t’i ikur dëmtimeve që e kanë mbajtur jashtë për pothuajse një muaj.
Muriqi tha se “dola nga loja për të mos rrezikuar. E ndjeva një dhimbje të lehtë, dhe nuk rrezikova për të vazhduar. Besoj se për 2-3 ditë do të përmirësohem dhe do të jem 100% i gatshëm për ndeshjen e radhës”.
Pas 14 ndeshje në sezonin 2019/20, Muriqi ka shënuar 10 gola dhe ka dhuruar 3 asistime – ai po shijon një ndër sezonet më të mira në karrierë. /Gazeta Express/
Samsung një ndër brendet më të njohura në botën e teknologjisë, sjell një promovim shumë tërheqës me paketë dhuratash...