Modeli i ri i telefonave Samsung me defekte

Gazeta Express

30/04/2020 23:53

Modeli i ri i telefonave Samsung, Galaxy S20 Ultraphone, i cili ka dalë në shitje muajin e kaluar duket se ka probleme teknike.

Sipas raportit të ‘’Digital Trends’’, të mërkurën disa njerëz kanë pasur probleme me ekranin dhe xhamin e kamerës të telefonave.

Në forumin e përdorueseve të Samsungut, shumë njerëz janë ankuar.

Dikush ka treguar se xhami i kamerës është çarë pa rënë në tokë dhe pa u dëmtuar në ndonjë mënyrë tjetër, raporton CNET, transmeton Koha.

Një çift ka treguar se i njëjti dëmtim ju ka ndodhur edhe atyre.

Ndërsa një person tjetër me problemin e njëjtë, ka treguar se ka provuar t’ia ndërroj xhamin kamerës, mirëpo nuk ka pasur xham në dispozicion dhe i kanë thënë të kthehet pas tri javëve.

Kompania ‘’Samsung’’ nuk ka dashur të komentoj për këtë problem.