Miranda, ish-zyrtarja e KLSH që i dërgonte parà mafiozit shqiptar del para Gjykatës në Bruksel

Shqiperi

Gazeta Express

23/01/2024 10:47

Është zhvilluar në Bruksel seanca e radhës gjyqësore ndaj shqiptares Miranda B., e pandehur në të ashtuquajturin Megaprocesi “Sky ECC” kundër një organizate kriminale të trafikut të kokainës të përbërë nga shqiptarë, belgë dhe kolumbianë.

Miranda B., auditore në Kontrollin e Larte te Shtetit derisa u akuzua për lidhje me organizatën kriminale, kundërshtoi të hënën para Gjykatës Penale të Brukselit akuzat ndaj saj.

Ajo pranoi se kishte mbajtur “një marrëdhënie dashurie” me vlonjatin Eridan.M i cili ka marrë mbiemrin e gruas kolumbiane, një nga organizatorët e dyshuar të çështjes, për të cilin dyshohet se ka bërë transferta parash.

Miranda pranoi se kishte bërë dhjetë transferta parash për Eridanin për një vlerë prej 100,000 deri në 200,000 euro. “Eridan më kërkoi të bëja diçka për të urgjentisht. E bëra pa u menduar,” tha ajo, raporton La Libre.

E pandehura ka shpjeguar se 20 mijë eurot e gjetura në shtëpinë e saj në Tiranë, Shqipëri, ishin fryt i punës së saj dymbëdhjetëvjeçare. Ajo u justifikua se nuk i kishte vendosur në një llogari bankare sepse “në Shqipëri paguajmë shumë cash”.