Milani do ta shpërblejë Piolin këtë javë

Futboll

Gazeta Express

25/11/2021 16:00

Zyrtarizimi i marrëveshjes së re në mes të Milanit dhe trajnerit italian pritet të bëhet para lojës me Sassuolon

Stefano Pioli do ta vazhdojë shumë shpejt kontratën me Milanin.

Palët madje thuhet se do ta zyrtarizojnë marrëveshjen e re qysh këtë javë.

Dhe, mediat italiane raportojnë se kjo do të ndodhë para ndeshjes së të dielës ndaj Sassuolos në Serie A, përcjell “Gazeta Express”.

Puna fantastike e trajnerit italian do të shpërblehet më në fund nga Kuqezinjtë.

Me gjasë, ai do ta nënshkruajë kontratën e re të premten.

56 vjeçari i ka mbi 700 ndeshje si trajner në Serie A.

Por, ai e fitoi vetëm ndeshjen e parë në Ligën e Kampionëve mbrëmë ndaj Atletico Madridit. /Gazeta Express/