Championsin e do edhe këtë vit Barça, por kapiteni i katalunasve e di se tani për tani, me këtë formë të skuadrës dhe gjithçka që po ndodh në klub – objektivi është i paarritshëm…
Lionel Messi është i vetëdijshëm se me situatën dhe formën aktuale, Barça s’mund të shkojë larg në Ligën e Kampionëve, trofe që i mungon që nga viti 2015 dhe ishin afër sezonin e kaluar, pas fitores së parë kundër Liverpoolit prej 3-0 në gjysmëfinale, por ‘Redsat’ përmbysën gjithçka në sfidën e kthimit.
Leo u hap për shumë tema në një intervistë të gjatë për ‘Mundo Deportivo’.
“Është e vërtetë se nëse duam të kualifikohemi në Champions League, duhet të rritemi si skuadër, sepse mendoj që sot, nuk është e mjaftueshme për ne që të luftojmë për Ligën e Kampionëve”, u shpreh Leo.
Messi deri më tani ka shënuar 19 gola në 27 paraqitje, shifra jo të zakonshme tani për tani pasi vazhdimisht ka shënuar mbi 50 e 60 gola në sezon. /Gazeta Express/
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...