Mësohet se sa do të paguhet Armand Duka pas emërimit në pozitën e zëvendës-presidentit të UEFA-s

Sport

Gazeta Express

26/09/2023 19:00

Presidenti i Federatës Shqiptare të Futbollit (FSHF), Armand Duka, mori sot pozitën e zëvendës-presidentit të UEFA-s.

Komitetit Ekzekutiv i UEFA-s mbajti mbledhje në Limasol të Qipros, aty ku me votë unanime Duka u zgjodh zëvendës-president, shkruan Gazeta Express.

Duka u bë i pari shqiptar që arrin në një pozicion kaq të lartë në hierarkinë e futbollit evropian.

I pari i FSHF-së do të përfitojë 250 mijë euro në vit si zëvendës-president i UEFA-s.

Shifra totale do të arrijë në një milionë euro deri në fund të mandatit të tij.

Armand Duka do të jetë zëvendës-president i UEFA-s deri në vitin 2027. /Gazeta Express/