“Më lini të dal, është errësirë këtu!”, njerëzit në varrim mbeten të habitur nga zëri që vinte prej arkivolit


load
Gazeta Express
17 Tetor 2019 9:12

Pjesëmarrësit e një funerali në Irlandë nuk mund ta besonin kur dëgjuan një zë përtej varrit në funeralin e një burri vendas.

Ata që morën pjesë në varrimin e veteranit të Forcës së Mbrojtjes Irlandeze, Shay Bradley, të shtunën në Kilmanagh, Leinster, nuk mund ta besonin kur një zë filloi të dilte nga arkivoli i tij.

Ndërsa vëzhguan arkivolin e tij duke u varrosur, zëri i tij mund të dëgjohej duke bërtitur: “Hey, Hey, Më lini të dal”. Ndërsa regjistrimi ngjante me një tingull sikur po trokiste arkivolin, ai vazhdoi: “Ku jam këtu? Më lini të dal, më lini të dal. Është errësirë këtu. A është ai prifti që po e dëgjoj?…”.

Shay më vonë fillon të këndojë duke thënë: “Përshëndetje përsëri përshëndetje, vetëm desha t’ju them lamtumirë”. Pjesëmarrësit nuk mund të mbanin të qeshurat, ndërsa Shay, i cili vdiq më 8 tetor pas një sëmundje të gjatë, kishte të qeshurën e fundit duke thënë lamtumirën e tij të fundit.

Vajza e Shay, Andrea, shpjegoi se mesazhi ishte regjistruar para se Shay të vdiste dhe dilte përmes një pajisje zëri në tokë. Ajo kishte shkruar në Twitter: “Ai donte të dinte se sa njerëz i bëri të qeshin!!! Ai ishte një person i mahnitshëm”.

Te fundit


Kthehu lart