McGregor synon t’i zhvillojë tri duele më 2020

Gazeta Express

01/12/2019 12:45

Conor McGregor ka zbuluar planet që ai ka për vitin 2020. Ai do të rikthehet në kafaz në eventin UFC-246, që zhvillohet më 18 janar.

Irlandezi do të përballet me Donald Cerrone. Por, kjo s’do të jetë sfida e tij e vetme për vitin 2020.

Sipas “MMA Mania”, Conor McGregor ka në plan të zhvillojë 3 duele gjatë vitit të ardhshëm. Vit, të cilin synon ta mbyllë me një revansh të madh, atë ndaj kampionit të botës në peshën e lehtë, Khabib Nurmagomedov.

Gjithsesi, gjithcka do të varet nga rezultati i duelit të parë që irlandezi do të zhvillojë më 18 janar. Pas Cerrone, irlandezi mund të përballet me Nate Diaz ose Jorge Masvidal, për ta mbyllur më pas me Nurmagomedov.