Mbante kallashnikov në gomisteri, arrestohet 31- vjeçari


Gazeta Express
13 Shtator 2019 11:16

Një i ri ka rënë në prangat e policisë së Kamzës pasi ishte raportuar për armë pa leje.

Sipas policisë ishin banorët ata që njoftuan se ky person në gomisterinë e tij mbante armë tip kallashnikov.

Shërbimet e policisë të komisariatit Nr. 5, në sajë të informacioneve të dhëna nga qytetarët, finalizuan operacionin policor të koduar “Shinat”, në kuadër të të cilit u bë arrestimi në flagrancë i shtetasit: E. K., 31 vjeç, banues në Kamzë/Tiranë.

Shërbimet e policisë kanë marrë informacion nga qytetarët se ky shtetas në gomisterinë e tij mbante sende të kundërligjshme.

Menjëherë nga shërbimet e policisë të komisariatit Nr. 5 është organizuar operacioni policor i koduar “Shinat”, ku në zonën e Fushë-Mëzezit, gjatë kontrollit të gomisterisë së shtetasit E. K., shërbimet e policisë kanë gjetur një armë zjarri kallashnikov, e cila u sekuestrua në cilësinë e provës materiale.

Në përfundim të veprime të para hetimore u bë arrestimi në flagrancë i shtetasit E. K., për veprën penale “Mbajtja pa leje e armëve luftarake dhe e municionit” dhe materialet u referuan për veprime të mëtejshme pranë Prokurorisë së Rrethit Gjyqësor Tiranë.

Te fundit


Kthehu lart