Marcos Alonso do të kërkojë të largohet nga Chelsea dhe t’i bashkohet Barcelonës

Futboll

Gazeta Express

23/05/2022 21:21

Marcos Alonso është lojtari që Barcelona ka zgjedhur për t’u bërë mbrojtësi i tyre i ri i majtë, edhe pse dakordimi për shumën me Chelsean mund të jetë i vështirë.

Klubi katalanas beson se tashmë kanë një marrëveshje me mbrojtësin spanjoll, edhe pse ende asgjë nuk është nënshkruar.

Skuadra e Xavit është në gjendje t’i ofrojë atij kushtet e kontratës që ai dëshiron pasi ai ka dëshirë të largohet nga Chelsea dhe të kthehet në Spanjë.

Siç është rasti me Cesar Azpilicuetan, me të cilin Barcelona dëshiron të përforcojë krahun e djathtë, ata duhet të bien dakord për një shumë me Chelsean pasi Alonso ka një vit të mbetur në kontratën e tij.

Megjithatë, kjo mund të jetë e vështirë pasi pronarët e rinj të Chelseat mund të mos e bëjnë të lehtë largimin e lojtarëve dhe vlera të 31-vjeçarit në Transfermarkt është aktualisht 15 milionë euro.

Barcelona nuk dëshiron të paguajë një shumë kaq të lartë. Derisa lojtarët e tyre të largohen, klubi katalanas nuk është i sigurt për fuqinë e tyre shpenzuese. /Gazeta Express/