Claudio Marchisio i ka bërë thirrje mesfushorit francez Paul Pogbas, që të rikthehet te Juventus, nëse dëshiron të jetë i lumtur përsëri.
Mesfushori italian i ka komentuar në rrjetin social Twitter lojtarit të Manchester United, i cili tani gjendet me kombëtaren e Francës për ndeshjet e Ligës së Kombeve, raporton Gazeta Express.
“Të lutem kthehu në Juventus, do të jesh përsëri i lumtur dhe unë gjithashtu”, komentoi Marchisio.
Dyshja kanë kaluar katër sezone në Torino para se Pogba të largohet nga zonja e vjetër për t’u rikthyer te Manchester United në vitin 2016.
Francezi është i tërbuar për situatën e tij te skuadra angleze, pasi që ai ka folur të dielën duke thënë: “Unë kurrë nuk kam pasur një periudhë kaq të vështirë në karrierën time”.
“Kombëtarja franceze është një ajër i pastër. Ne jemi shumë të lumtur që kemi ardhur këtu dhe të gjithë jemi shumë të lumtur që shihemi përsëri ”, vazhdoi ai./Gazeta Express/
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...