Futbolli evropian do të rifillojë gradualisht, teksa klubet e mëdha po studiojnë mundësitë e reja të tregut.
Në shtëpinë kuqezi, Ismael Bennacer është padyshim një nga më pozitivët e një sezoni të komplikuar, ndaj ka përfunduar në radarët e Manchester City, konkretisht të Pep Guardiolës.
Sipas raportimeve nga “RMC Sport”, trajneri spanjoll e ka kontaktuar drejtpërdrejt talentin e ri të kuqezinjve, një profil i përkryer, i përputhshëm me futbollin e “qytetarëve”, referuar cilësive teknike në fazën e driblimit.
Sidoqoftë, një klauzolë lirimi prej 50 milionë euro shfaqet në kontratë, e cila duhet paguar nga anglezët, nëse duan ta marrin vërtet algjerianin.
Kjo është e fiksuar qartë në marrëveshjen e nënshkruar verën e kaluar mes tij dhe kuqezinjve.
PSG është gjithashtu e interesuar për lojtarin, por deri më tani nuk ka negociata të vërteta në zhvillim.
A jeni gati për shpërblimin më të madh në vend nga ETC, Lider i shërbimit dhe tregtimit në vend....