“Man Unitedi tentoi të ma shkatërrojë karrierën”


Gazeta Express
20 Prill 2019 23:58

Ylli i Crystal Palace e ka komentuar karrierën e tij të dështuar në Old Trafford, duke e fajësuar për këtë gjë trajnerin e atëhershëm të Manchester Unitedit

Wilfried Zaha është duke e pasur një sezon tejet mbresëlënës me Crystal Palace dhe ka arritur ta tërheqë vëmendjen e disa prej klubeve më të mëdha të Anglisë. Megjithatë, diçka që mund t’i shqetësojë klubet që interesohen që Zahan është dështimi i tij në Manchester United, transmeton Gazeta Express.

Fildishiasi kishte qenë njëri ndër lojtarët më të talentuar në Manchester United, mirëpo ai nuk arriti ta sigurojë asnjëherë një vend në ekipin e parë dhe rrjedhimisht u transferua në Cardiff City e pastaj në Crystal Palace.

Megjithatë, tani ai është rehatuar në Londër dhe po e kalon një sezon të mrekullueshëm, me tetë gola të shënuara dhe tri asiste. Por, ai tani dëshiron ta provojë veten edhe në Ligën e Kampionëve. Një ekip i cili duket se nuk do të jetë klubi i ardhshëm i Zahas është Manchester Unitedi.

“Vlera ime nënvlerësohej ndaj trajneri, i cili bashkë me stafin e tij luanin lojëra me mendjen time dhe më thoshin t’i harroja trikat në fazën e sulmit. Ai tentonte të më thyente në çdo mënyrë të mundshme dhe të ma shkatërronte karrierën pa asnjë arsye”, është shprehur Zaha.

Kjo deklarata e Zahas është për ish-trajnerin e Manchester Unitedit, David Moyes, i cili besohet se e largoi futbollistin nga skuadra e “Djajve të kuq” pasi që Zaha kishte filluar një marrëdhënie me të bijën e Moyesit. /Gazeta Express/

Te fundit


Kthehu lart