Majlinda Kelmendi mbetet pa medalje në “Budapest Grand Prix”


Gazeta Express
12 Korrik 2019 18:14

Majlinda Kelmendi ka mbetur pa medalje në “Budapest Grand Prix 2019”. Xhudistja pejane është mposhtur në meçin e repesazhit nga spanjollja Ana Perez Box, ndërkohë që ishte mposhtur edhe në gjysmëfinale

Majlinda Kelmendi ka mbetur pa medalje në “Budapest Grand Prix”, i cili po mbahet në Hungari, shkruan Gazeta Express.

Ajo u mposht me Ippon nga spanjollja Ana Perez Box në luftën e repesazhit, edhe pse ishte në avantazh gjatë tërë meçit.

Xhudistja pejane e kishte kaluar rrethin e parë pa luftë, ndërsa në atë të dytë e mundi meksikanen Luz Olvera.

Kampionia olimpike e fitoi edhe meçin e rrethit të tretë kundër gjeorgjianes Tetiana Levytska-Shukvani.

Mirëpo, Kelmendi u ndal në gjysmëfinale, ku u mposht nga japonezja Chishima Maeda.

Ndërkaq, në garën për medalje, Majlinda humbi nga spanjollja. /Gazeta Express/

Artikull i sponsoruar

Te fundit


Kthehu lart