Liverpooli ia bën një urim special Shaqirit për ditëlindje

Futboll

Gazeta Express

10/10/2023 15:01

Liverpooli ia ka bërë një urim special Xherdan Shaqirit për ditëlindje.

32 vjeçari e feston sot ditëlindjen e 32-të, ndërsa i kanë ardhur urime nga familjarët dhe miqtë nga mbarë bota, por edhe nga bashkëlojtarët e ish-bashkëlojtarët.

“Reds” e bënë një postim në rrjetin social, Instagram, duke ia uruar këtë ditë të veçantë ish-futbollistit të këtij klubi, shkruan “Gazeta Express”.

“Urime më të mira për Xherdan Shaqirin në ditëlindjen e tij”, shkroi Liverpooli.

Këtij urimi i është përgjigjur Shaqiri me një koment “YNWA”, të përcjellë me një zemër.

Përfaqësuesi zviceran e kishte fituar Ligën e Kampionëve dhe Premierligën me Të Kuqtë.

Edhe pse nuk kishte luajtur rregullisht dhe nuk kishte arritur të linte gjurmë në “Anfield Road, futbollisti nga Zhegra e Gjilanit ka mbetur i dashur për tifozët e “Reds”. /Gazeta Express/