Liverpool i ofron kontratë të re Firminos

Futboll

Gazeta Express

08/12/2022 14:19

Liverpooli pritet që t’ia zgjasë edhe më shumë qëndrimin në Anfield brazilianit

Firmino, edhe pse jo një ndër zgjedhjet e para të Klopp në sulm dhe si një lojtar që nuk u ftua nga Brazili në Botëror, do ta këtë mundësinë që të jetë tek “Reds” për së paku deri më 2024.

Kështu ka shkruar Football Insider, të cilët kanë thënë që Liverpooli i ka ofruar Roberto Firminos kontratë të re, pasi që kontrata e tanishme skadon në verën e ardhshme.

Reds thuhet se i kanë ofruar atij një pagë më të vogël se sa e ka tani.

Është raportuar që Firmino ka një pagë javore prej 180 mijë funtesh në javë.

Megjithatë, paga do të llogaritet në bazë të paraqitjeve dhe golave që do të shënojë ai, ku çdo gol i shënuar do të thotë bonus dhe rritje page për të. /GazetaExprses/