Lis Dushi “golgeteri” i juniorëve që i synon majat e futbollit

Futboll

Gazeta Express

16/06/2025 12:01

Lis Dushi ishte protagonist tek ekipi i të rinjve të Flamurtarit në sezonin që përfundoi muajin e kaluar.

Sulmuesi i ri e kaloi një edicion të jashtëzakonshëm, duke qenë i pandalshëm për mbrojtjet kundërshtare dhe mjaft i efektshëm para portës.

Në 14 ndeshje sa i zhvilloi, futbollisti gjakovar i realizoi 12 gola dhe i bëri 4 asistime me Kuqezinjtë kryeqytetas, shkruan “Gazeta Express”.

Dushi ishte lojtari kyç i Flamurtarit dhe falë kontributit të tij të jashtëzakonshëm, ky ekip arriti të inkuadrohet në Superligën e juniorëve – U-19.

Gjithashtu, sulmuesi me perspektivë ishte pjesë e ekipit senior të Flamurtarit, me të cilin ushtroi dhe u grumbullua në sezonin paraprak, ndonëse nuk e pati rastin dhe mundësinë t’i tregonte vlerat e tij aty.

Tash, Dushi është lojtar i lirë dhe shpejt mund të bëhet me ekip të ri.

Ai i synon majat në futbollin kosovar, por edhe në Evropë më pas. /Gazeta Express