Kreu i Nismës, Fatmir Limaj, ka folur pas takimit që ka pasur me kreun e LDK-së, Isa Mustafa. Ai ka treguar se partia e tij do të mbështesë nismën e LDK-së për rrëzimin e Qeverisë që drejtohet nga Albin Kurti, raporton Gazeta Express.
“NISMA mbështet mocionin. Do të marrë pjesë në seancë dhe do të votojë për rrëzimin e Qeverisë”, ka thënë Limaj.
Ai tutje ka shtuar se një fund i tillë i Qeverisë Kurti ka qenë i pritshëm.
I pyetur rreth futjes së Nismës në një qeveri teknike, Limaj ka refuzuar të flasë për një gjë të tillë.
Mocionin ndërkohë e ka mbështetur edhe AAK-ja e Ramush Haradinajt, parti e cila ka pranuar të bëhet pjesë e një qeverie teknike. /Express/
A jeni gati për shpërblimin më të madh në vend nga ETC, Lider i shërbimit dhe tregtimit në vend....