Leroy Sane do të mungojë për Bayern Munich-un në finale të Superkupës së Gjermanisë kundër Borussia Dortmundit, për shkak të një lëndimi, konfirmon trajneri i tij Hansi Flick.
Sane e shijoi një fillim shumë të mirë të jetës në Bayern që prej se iu bashkua atij nga Manchester City për 60 milionë euro në korrik, transmeton Gazeta Express.
24-vjeçari e ka shënuar një gol dhe i ka dhuruar dy asiste në tri paraqitjet e para për Bayernin, si dhe e ka fituar Superkupën e UEFA-s së fundmi.
Me triumfin kundër Sevillës javën e kaluar në Puskas Arena, Bayerni e çoi në katër numrin e trofeve të fituara në vitin 2020 dhe tani e kanë mundësinë ta fitojnë edhe trofeun e pestë, nëse e mposhtin Dortmundin këtë mesjavë.
Por, skuadra e Flick do të vijë në këtë takim pas një humbjeje tronditëse 4:1 kundër Hoffenheim në Bundesligë të shtunën, e cila ia ndërpreu një ecuri mbresëlënëse prej 32 ndeshjeve pa humbje.
Flick ka folur për mungesat me të cilat do të përballet kundër Dortmundit: “Alaba ka probleme muskulore, por do ta shohim si është puna me të më vonë. Leroy Sane do të mungojë. Ai e ka lënduar gjurin”. /Gazeta Express/
?️ #Flick: “@David_Alaba has muscular problems, so we will have to see how that develops. @LeroySane19 will miss out. Hopefully he will be back after the international break. He’s got a capsule injury in his knee.”#FCBBVB pic.twitter.com/SprO8AmeLZ
— FC Bayern English (@FCBayernEN) September 29, 2020
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...