Kthehu lart

Sot mos u nisni jashtë pa çadër, të mërkurën bora e parë

Sot mos u nisni jashtë pa çadër, të mërkurën bora e parë GazetaExpress

Mbi vendin tonë gjatë pesë ditëve të ardhshme do të mbretërojë mot kryesisht i vranët dhe me intervale të shkurta me diell.

Të hënën do të jetë mot kryesisht i vranët dhe me riga shiu, ndërsa riga shiu parashikohen edhe ditën e mërkurë.

Temperaturat minimale parashihen të lëvizin ndërmjet 1-6 gradë celsius, ndërsa maksimalet e ditës ndërmjet 10-16 gradë celsius. Derisa të mërkurën parashihet që në viset e ulëta të ketë riga të dobëta shiu, në viset malore priten fjolla të lehta bore, meqë atje temperaturat minimale do të zbresin deri në zero 0 gradë celsius.

Deri ditën e enjte masat e ftohta ajrore do të jenë prezent mbi vendin tonë, kjo si pasojë e erërave që vijnë nga pjesa verilindore e kontinentit.

Nga dita e premte e tutje, era do ta ndërroj kahun, nga verilindja në jugperëndim, me ç’rast do të ketë ngritje të lehta të temperaturave në të dy vlerat e ekstremeve dhe krahas këtyre masat e ajrit do të jenë më aktive.

Shpejtësia e erës në drejtimet e lartcekura do të lëvizë nga 1-9m/s, e në disa lokalitete shpejtësia e saj do të regjistrojë vlera mbi 11m/s, njofton Instituti Hidrometeorologjik i Kosovës.

    Data: 22 Tetor 2018 07:15
    Autori: GazetaExpress

    Të tjera