Kthehu lart

Kishin kryer 30 vjedhje, policia e Kosovës i arreston 5 persona

Kishin kryer 30 vjedhje, policia e Kosovës i arreston 5 persona GazetaExpress

Hetuesit policorë të stacionit policor në Prizren, si rezultat i zhvillimit të hetimeve për zbardhjen e veprave penale, pas një pune intensive kanë arritur të identifikojnë dhe të arrestojnë pesë persona të dyshuar për përfshirje në tridhjetë (30) raste të ndryshme të veprave penale ‘vjedhje’ dhe ‘vjedhje të renda’, raste këto të raportuara nga fundi i muajit dhjetor 2018 dhe gjatë fillimit të muajit janar 2019 në zonën e përgjegjësisë së stacionit policor në Prizren.

Hetuesit policorë mbi dyshimet e ngritura dhe provat e siguruara, ndërmjet datave 15 dhe 17 janar 2019, kanë identifikuar dhe kanë arrestuar pesë persona të dyshuar:

E. SH, 19 vjeç, shtetas i Republikës së Kosovës

A. SH, 26 vjeç, shtetas i Republikës së Kosovës

G. E, 21 vjeç, shtetas i Republikës së Kosovës

A. K, 20 vjeç, shtetas i Republikës së Kosovës

B. SH, 21 vjeç, shtetas i Republikës së Kosovës

Në cilësi të provave materiale tek të dyshuarit janë gjetur dhe sekuestruar këto sende:

Një biçikletë

Një lopë

10 dele

Dy televizorë

Dy laptopë

Vegla pune

Një motosharrë

Gjashtë shpues (hillt)

Një thithëse elektrike

Një makinë larëse e automjeteve

Dy aparate të kafesë dhe

Gjësende tjera që ndërlidhen me këto vepra penale

Gjërat e sekuestruara pas procedurave të nevojshme, u janë kthyer pronarëve legjitim.

Pas procedurave intervistuese, nga ana e prokurorit të rastit, të dyshuarit janë ndalur për 48 orë.

    Data: 18 Janar 2019 12:27
    Autori: GazetaExpress

    Të tjera