Trump i sulmon ashpër mediat, thotë se s’po i raportojnë sulmet terroriste - Gazeta Express

Trump i sulmon ashpër mediat, thotë se s’po i raportojnë sulmet terroriste

07/02/2017 10:18

Trump nuk ka ofruar dëshmi për t’i mbështetur pohimet e veta, të bëra gjatë vizitës që ia bëri dje shtabit qendror të Komandës Qendrore të Ushtrisë Amerikane, transmeton Express.

“E kemi parë se çfarë ndodhi në Paris dhe Nice. Edhe po ndodh në gjithë Evropën. Ka ardhur në një pikë saqë as nuk raportohet,” ka thënë Trump.

Ai e ka quajtur të pandershëm shtypin, duke thënë se ka raste kur nuk i raporton fare sulmet ekstremiste.

“Dhe në shumë raste, shtypi shumë, shumë i pandershëm, nuk dëshiron t’i raportojë ajo. I kanë arsyet e veta dhe e kuptoj,” ka thënë ai./Gazeta Express/