Kushi për pedagogët: Të jenë më mirëkuptues, të shohin zjarrfikësit

Shqiperi

Gazeta Express

05/10/2022 13:03

Ministrja e Arsimit, Evis Kushi gjatë fjalës së saj u pyet të komentonte se pedagogët e kishin quajtur të pamjaftueshme rritjen e pagës 7% nga qeveria.

Kushi i kërkoi atyre të jenë mirëkuptues dhe të shohin zjarrfikësit që bëjnë një sakrificë më të madhe dhe që kanë të njëjtën rritje page.

Sipas Kushit, kush pedagog punon më fort, të ardhurat i ka më të larta se sa paga mujore.

“Mbështetja jonë për universitetet nuk do ndalet këtu do vijojë dhe vitet e ardhshme do i ftojë kolegët e mi të jenë pak më realistë për kushtet ku ndodhemi,

7% paga e zjarrfikësve, imagjnoni sakrificat që bëjnë që hidhen në zjarr e në kushtet që ndodhemi rritja për ta është e tillë.

Unë kërkoj mirëkuptim por do i ftoja të rrisim përpjekjet tona të përbashkët për të rritur të ardhurat e unversiteteve dhe kapacitet për të thithur sa më shumë fonde nga BE.

Janë fonde që në vitet më para shteti paguante e nuk merrte dot mbrapsht.

Sot, gjithë këto para që thithin universitetet janë pagesa për stafet dhe pedagotët ata që punonë fort e kanë performancë të lartë në kërkimin shkencor nastyrisht që të ardhurat i kanë shumë më tepër se paga mujore”, tha ministrja.