Kush do t’i fitojë zgjedhjet e 6 tetorit, sipas zonjës Meri


Syzana Hajradini
4 Tetor 2019 10:54

Vetëm dy ditë na ndajnë nga zgjedhjet e 6 tetorit dhe kureshtja se kush do të fitojë kësaj radhe, duke të jetë tejet e madhe.

Syzana Hajradini

Garë e fortë është për postin e kryeministrit dhe natyrisht se secili ka të preferuarit e vet.

Astrologia e njohur, Meri Shehu, apo siç njihet më mirë si, zonja Meri, për emisionin “#Gjesi” ka dhënë parashikimet e saj për atë se kush mund ta fitojë garën për kryeministër.

Sipas saj, janë dy kandidatë të fortë për këtë post, si Albin Kurti dhe Ramush Haradinaj.

“Nga pikëpamja e astrologjisë në datën e zgjedhjeve do të kemi një hënë të plotë në shenjën e dashit dhe kjo do të ndikojë në mënyrë të barasvlershme tek dy figurat siç janë Albin Kurti dhe Ramush Haradinaj. Sipas astrologjisë këta të dy mund të kenë të njëjtat shanse dhe të kemi pak a shumë të njëjtat vlera në marrjen e kandidatëve ose votuesve, kjo ngelet për t’u parë. Pra në datën e zgjedhjeve këta të dy mund të dalin me vota pak a shumë të njëjta”, tha ndër të tjerash Meri.

Krahas Kurtit dhe Haradinajt, zonja Meri komenton dhe dy nga kandidatët e tjerë, si Vjosa Osmani dhe Kadri Veseli.

Për të paren, thotë se qytetarët e shohin si shpresë, derisa për të dytin thotë se nuk mund ta luftojë korrupsionin.

Në këtë intervistë për emisionin e mëngjesit në T7, Shehu është pyetur edhe për liberalizimin e vizave dhe heqjen e taksës.

Këto ishin parashikimet e zonjës Meri për zgjedhjet e së dielës në Kosovës, gjersa presim të shohim se ku ia ka qëlluar dhe ku jo.

Artikull i sponsoruar

Te fundit


Kthehu lart