Kurti shkarkon këshilltarin, u pa në ndejë me zyrtarët e komunave paralele të Dragashit - Gazeta Express
string(86) "kurti-shkarkon-keshilltarin-u-pa-ne-ndeje-me-zyrtaret-e-komunave-paralele-te-dragashit"

Kurti shkarkon këshilltarin, u pa në ndejë me zyrtarët e komunave paralele të Dragashit

Lajme

Gazeta Express

01/02/2024 19:06

Ministrat Xhelal Sveçla dhe Elbert Krasniqi u krenuan kur mbyllën katër zyra të komunave paralele në Vranisht të Dragashit. Sipas njoftimit të ministrit Krasniqi, katër komuna paralele në Dragash kanë vepruar dhe lëshuar kundërligjshëm dokumente për komunën e Prizrenit, Suharekës dhe Rahovecit.

Gazetar: Selamir Qerimi, T7.

Lexo Edhe:

E mu atë ditë kur kjo ndodhi, ndonëse jo fizikisht, i pranishëm përmes një fotografie aty ishte edhe Edison Beçiri, këshilltari politik i kryeministrit Albin Kurti.

Fotografia e cila shihet në videon e publikuar nga ministri i MAPL-së, Krasniqi, shpërfaq këshilltarin e Kurtit në një ndejë mes zyrtarëve të këtij institucioni ilegal në bufenë e kësaj komune që funksionoi deri me 26 janar.

Nga Qeveria e Kosovës nuk e kanë sqaruar arsyen e kësaj vizite të Beçirit aty.

Megjithatë, masat nuk kanë munguar, ai tashmë është shkarkuar nga detyra e këshilltarit të kryeministrit Kurti. Vendimin e ka siguruar T7.

Edison Beçiri ishte emëruar këshilltar i kryeministrit Kurti me propozim të Partisë Unike Gorane të cilën e udhëheq Adem Hoxha.

Por, para se ta zinte këtë pozitë, T7 mëson se Beçiri ishte pronar i një biznesi që merrej me shitje të hamburgerëve.

Megjithatë, në foton e ndejes, ai nuk ishte i vetëm.

Shumë pranë shihet edhe Fejsal Haliloviq, nënkryetar i Komunës së Dragashit që e udhëheq Bexhet Xheladini nga LDK-ja.

I kontaktuar nga T7, Xheladini ka thënë se kjo çështje i takon organeve të sigurisë.

E pikërisht, për këtë fotografi të nënkryetarit të Dragashit, ka reaguar edhe Qendra e Lëvizjes Vetëvendosje ne Sharr.

Megjithatë, nga fotografia është larguar këshilltari i kryeministrit Kurti.

Sipas njoftimit të ministrit Krasniqi, 4 komuna paralele në Dragash kanë vepruar dhe lëshuar kundërligjshëm dokumente për komunën e Prizrenit, Suharekës dhe Rahovecit.

Video: