Kur do të hapen Universitetet? Përgjigjet kryeministri Rama

Shqiperi

Gazeta Express

01/12/2020 17:23

Gjatë një bashkëbisedimi online me studentët, kryeminstri Rama, ju përgjigj shqetësimeve të tyre për vazhdimësinë e mësimit.

A do të qëndrojnë Universitetet të mbyllura deri në pranverë? Kësaj pyetje kryeministri Edi Rama nuk i dha dot një përgjigje para studentëve.

Ai tha se është shumë herët për të folur për këtë çështje pasi situata e Covid-19 mund të ndryshojë brenda ditës dhe deri më tani jemi hasur me vendimmarrje të momentit të fundit.

“Nuk jemi në një situatë normale kur vendimet duhet të lajmërohen shumë kohë më përpara. Faktikisht vendimi është marrë pak ditë para se të hynte në fuqi por siç mund të themi këtë duhet të themi edhe tjetrën se është e kotë të bëjnë spekulime se deri kur do qëndrojë kështu situata”, u shpreh Rama.