Kryhet referendumi në Serbi, reagojnë nga Zyra e Presidentes: Kosova mbajti qëndrim parimor

Lajme

Gazeta Express

16/01/2022 21:19

Shefi i kabinetit të Presidentes Vjosa Osmani, Blerim Vela, ka reaguar pas përfundimit të referendumit të Serbisë.

Ai ka thënë se përkundër kërcënimeve nga Serbia, në Kosovë ishte një ditë e qetë.  Vela shton se Kosova mbajti qëndrim parimor dhe kështu, kontribuoi në stabilitetin rajonal.

“Përkundër kërcënimeve nga Serbia, ishte një ditë e qetë në Kosovë. Strukturat ilegale të Serbisë nuk arritën ta mbajnë referendumin. Kosova mbajti një qëndrim parimor që ruan paqen dhe stabilitetin rajonal duke ruajtur sovranitetin dhe integritetin e saj territorial”, shkroi ai.

Kujtojmë se gjatë ditës së sotme, Serbia ka mbajtur referendumin për ndryshimet kushtetuese. Plani parësor ishte që ky referendum të mbahej edhe në territorin e Republikës së Kosovës.

Megjithatë, krerët e institucioneve dolën me deklaratë të përbashkët kundër lejimit të mbajtjes së vendvotimeve në Kosovë, ndërsa serbëve me nënshtetësi të dyfishtë do u lejohej votimi vetëm me psotë ose përmes Zyrës Ndërlidhëse në Prishtinë.

Kuvendi i Kosovës me anë të një rezolute mbajtjen e këtij referendumi arriti që ta ndalojë edhe në territorin e vendit. /Gazeta Express/

Despite the threats emanating from #Serbia, it was a peaceful day in #Kosovo. Serbia's illegal structures didn't manage to hold the referendum. Kosovo kept a principled position that maintains regional peace and stability while upholding its sovereignty and territorial integrity. pic.twitter.com/4Ywl9mxuik

— Blerim Vela (@Blerim_Vela) January 16, 2022