Krasniqi ankohet sërish për “vatrat e intelektualizmit”


Gazeta Express
12 Shtator 2019 20:05

Ankohet sërish Nexhat Krasniqi, tash thotë se pos Drenocit edhe Asztrazubi e Pagarusha duhet të kënë kandidatë për deputetë

Pati shumë ankesa se liderët e partive anashkaluan fshatin e tij.

E kësaj radhe nga Drenoci i Malishevës, vendlindja e Nexhat Krasniqit, janë dy kandidatë për deputet të Kuvendit të Kosovës.

Krasniqi thotë se Drenoci e ka merituar të ketë këta kandidat për zgjedhjet e 6 tetorit, raporton T7.

Por profesori i Historisë, thotë se krahas Drenocit, kandidat për deputetë duhej të kishte edhe Astrazubi, Ballanica e Pagarusha; “vatrat e intelektualizmit”.

Për dallim nga këto fshatra, Baja ka katër kandidat për deputetë.

Nga vendlindja e Fatmir Limajt, pos liderit të Nismës, kandidat në këto zgjedhje është edhe Haxhi Shala e Vesel Krasniqi nga e njëjta parti.

E kundërkandidat e kanë bashkëfshatarin e tyre, Fatmir Shurdhaj, që garon me AAK-në.

Kandidat i Nismës, Vesel Krasniqi, thotë se do të zgjidhet deputet.

Megjithëse janë rival politik, Krasniqi i uron suksese ish-bashkëluftëtarit të tij që garon me partinë e Ramush Haradinajt.

Vetëm nga qyteti i Malishevës janë 14 kandidatë që ia kanë mësyrë të zgjidhen deputet të Kuvendit të Kosovës në zgjedhjet e 6 tetorit.

Artikull i sponsoruar

Te fundit


Kthehu lart