Drin Kokaj dhe Era Shala do ta përfaqësojnë Kosovën përmes skitarisë në Llozanë.
Kosova do të marrë pjesë në Lojërat Olimpike Dimërore për të rinj që do të mbahen në Llozanë të Zvicrës nga 9 janari deri më 22 janar.
Vendin tonë në këtë ngjarje do ta përfaqësojnë skitari Drin Kokaj dhe skitarja Era Shala, shkruan Gazeta Express.
Ata janë nisur në mëngjesin e së mërkurës drejt Zvicrës bashkë me trajnerin Bujar Turjaka, kryetarin e federatës së skitarisë, Milaim Kelmendi, presidentin e KOK-ut, Besim Hasani.
Drin Kokaj dhe Era Shala do të garojnë në disiplinat e skijimit alpin: sllallom dhe sllallom të madh. Ata kanë shkuar në Zvicër me shpresën që ta përfaqësojnë denjësisht vendin tonë.
Për Kosovën kjo do të jetë hera e parë që merr pjesë në Lojërat Olimpike Dimërore për të rinj, ndërsa i është rezervuar një pritje e ngrohtë në Fshatin Olimpik./GazetaExpress/
Samsung një ndër brendet më të njohura në botën e teknologjisë, sjell një promovim shumë tërheqës me paketë dhuratash...