Konflikt për motive banale, 58 vjeçari tenton të vrasë fqinjin dhe gruas e tij me armë - Gazeta Express
string(85) "konflikt-per-motive-banale-58-vjecari-tenton-te-vrase-fqinjin-dhe-gruas-e-tij-me-arme"

Konflikt për motive banale, 58 vjeçari tenton të vrasë fqinjin dhe gruas e tij me armë

Gazeta Express

07/06/2020 9:10

Një ngjarje e rëndë ka ndodhur në fshatin Buçimas të Pogradecit, ku dy familje që jetonin pranë njëri- tjetrit, janë konfliktuar për motive banale.

Policia sqaron se një 58 vjeçar pas konfliktit me komshiun e tij, ka marrë armën dhe ka tentuar të vrasë ate dhe të shoqen.

Lexo Edhe:

Tenton të vrasë me armë zjarri fqinjët e tij, kapet dhe arrestohet në flagrancë një 58-vjeçar.

Sekuestrohet arma e zjarrit pistoletë me 4 fishekë të cilën autori e posedonte pa leje.

Pas marrjes së njoftimit se në fshatin Buçimas, dy familje fqinje po konfliktoheshin me njëra-tjetrën, shërbimet e Komisariatit të Policisë Pogradec në bashkëpunim me Forcat e Posaçme Operacionale në DVP Korçë, kanë shkuar menjëherë në vendngjarje ku konstatuan se:

Shtetasi I. H., 58 vjeç, banues në fshatin Buçimas, pasi ishte konfliktuar për motive të dobëta me fqinjin e tij I. J., 52 vjeç dhe bashkëshorten e këtij të fundit, kishte qëlluar me armë zjarri tip pistoletë “Zastava” në drejtim të tyre.

Falë reagimit dhe ndërhyrjes në kohë të policisë, u bë kapja dhe arrestimi në flagrancë i autorit të dyshuar të ngjarjes si edhe parandalimi i përshkallëzimit të mëtejshëm të këtij konflikti, i cili mund të sillte pasoja të rënda për jetën.

Në cilësinë e provës materiale 58-vjeçarit, iu gjet e sekuestrua arma e zjarrit me 4 fishekë në krëhërin e saj.

Materialet i kaluan Prokurorisë Pranë Gjykatës së Shkallës së Parë Pogradec për veprat penale “Vrasja me dashje mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”.