Komuna fillon ta prishë “kopshtin” që ishte zhvilluar nën asfalt


Gazeta Express
15 Prill 2019 10:55

Me ardhjen e pranverës nuk kanë lulëzuar vetëm pemët në Çabiq të Klinës. Aty bari doli edhe nga asfalti. Por, pas raportimit të qytetarëve, Komuna e Klinës ka filluar ta prishë “kopshtin” që ishte zhvilluar në asfalt.

Qytetarët kanë publikuar fotografi në Facebook, ku shihet se Komuna e Klinës ka marrë masa menjëherë dhe se rehabilitimi i kësaj rruge ka filluar.

Ndryshe, asfaltimi i rrugës Çabiq – Ujmirë ishte bërë nga Komuna e Klinës, në dhjetorin e vitit të kaluar.

Për ta shtruar këtë asfalt Komuna e Klinës ka shpenzuar hiç më pak se 92 mijë  e 238 euro.

Asfaltimin e kësaj rruge e ka bërë kompania “I & B – Group” SH.P.K.. Kjo kompani dhe komuna e Klinës kontratën për këtë tender e kanë nënshkruar më 06.11.2018. /Express

Te fundit


Kthehu lart