Kingsley Coman drejt Al Nassr, negociatat në fazë të avancuar

Futboll

Gazeta Express

09/08/2025 20:47

Ylli francez i Bayern Munich, Kingsley Coman, mund të jetë shumë pranë një aventure të re në Lindjen e Mesme.

Sipas raportimeve, Coman është i hapur për t’u bashkuar me gjigantin saudit Al Nassr, ndërsa bisedimet mes palëve po ecin me ritme të shpejta.

Klubi saudit ka dërguar një ofertë zyrtare te Bayern të premten, siç ishte raportuar më herët. Negociatat tashmë janë në fazë të avancuar dhe marrëveshja shihet si e realizueshme.

Transferimi i Coman drejt Al Nassr do të ishte një tjetër lëvizje e bujshme e Superligës së Arabisë Saudite, e cila po vazhdon të tërheqë emra të mëdhenj nga futbolli evropian.

29-vjeçari francez, i njohur për shpejtësinë dhe aftësitë e tij teknike, ka fituar gjithçka me Bayernin, përfshirë Ligën e Kampionëve, dhe tani mund të nisë një kapitull të ri në karrierën e tij.

Të gjitha palët janë optimiste që marrëveshja mund të mbyllet së shpejti, duke i hapur Comanit rrugën për të veshur fanellën e verdhë të Al Nassr dhe për t’u bashkuar me yje si Cristiano Ronaldo dhe Sadio Mané.