Kështu e përjetuan lojtarët e Italisë sulmin kardiak të Eriksenit

Gazeta Express

16/07/2021 10:41

Lojtarët e Italisë po shikonin të tronditur kur Christian Eriksen pësoi sulm kardiak në fushë, me shokun e tij të skuadrës së Interit, Nicolò Barella, i cili u largua me lot në sy.

Danimarka po luante kundër Finlandës në ndeshjen e tyre të parë në Euro 2020, kur Eriksen u shemb papritmas dhe zemra e tij pushoi së rrahuri.

Dokumentari Sogno Azzurro u transmetua në RAI 1 këtë mbrëmje dhe kapi momentin kur lojtarët e Italisë po shikonin ndeshjen në një tablet përpara një seance stërvitore.

Domenico Berardi kishte parë i pari dhe u tregoi të tjerëve se çfarë po ndodhte.

Anëtarët e stafit pyetën nëse Eriksen ishte goditur nga topi i parë, diçka për të nxitur kolapsin, por nuk kishte asnjë shkas.

“U rrënqetha i tëri”, tha Berardi.

Donnarumma mbuloi sytë dhe shikoi nga ana tjetër, më vonë i tregoi ekipit të dokumentarit atë që ndjeu në atë moment.

“Ishte e tmerrshme. Isha në shok. Ne e pamë atë të ndodhte drejtpërdrejt, pasi sapo ishim larguar nga dhoma e zhveshjes për stërvitje dhe po shikonim ndeshjen. As nuk mund të shikoja. Të tjerët po shikonin dhe unë u trondita aq shumë sa nuk munda ta shikoj. Brenda u ndjeva bosh.

“Gjëja më e rëndësishme është që Christian po ndihet më mirë dhe shpresoj ta shoh atë në fushë sa më shpejt të jetë e mundur.”

Barella është lojtari i vetëm i Interit në skuadrën e Italisë dhe Bonucci e largoi atë dukshëm i mërzitur, pasi i ishte thënë se çfarë kishte ndodhur.

Eriksen u këndell përfundimisht dhe u operua për të implantuar një defibrilator miniaturë, por mbetet të shihet nëse ai do të lejohet të vazhdojë të luajë në Serie A me atë gjendje.