Këshilltari i Veliut: Dentisti Xhelal Sveçla po ironizon me plumbat që mori Agimi

Gazeta Express

25/11/2020 9:33

Këshilltari i Ministrit të Punëve të Brendshme, Agim Veliut, Bajram Gecaj i ka reaguar anëtarit të kryesisë së LVV-së, Xhelal Sveclës, raporton Gazeta Express.

Gecaj në Facebook ka shkruar se kur dentisti Xhelal Sveçla merr guximin të ironizoi me plumbat kundër Agim Veliut, ai njëkohësisht ofendon dhe përbuzë edhe gjithë ata aktivistë të devotshëm të LDK-së të vrarë nga dora kriminale, përfshirë edhe një mori plagosjesh e tentim-vrasjesh.

“Nëse vërtetë pretendojnë te jenë të pandikuar politikisht, i bëj apel “Iniciativës Qytetare” që menjëherë të inicioi një peticion kundër kësaj pafytyrësie dhe paturpësie të Xhelal Sveçles. Po ashtu, kërkoj nga Igballe Rugova që për të njëjtën të protestoi para zyrave të Lëvizjes Vetëvendosje”, ka thënë ai.

Ky reagim i Gecaj vjen pasi që mbrëmë Sveçla ka shkruar në Facebook se nuk ndalet ndryshimi dhe demokracia.

“ E keni dëbuar Ilaz Pirevën, Fatmir Sejdiun e Vjosa Osmanin, e tash llapjanët e kanë vendosur t’ju dëbojnë juve nga pushteti i pamerituar e i korruptuar. Prej të hënës, Shpejtim Bulliqin e keni kryetar komune”, ka thënë ai./GazetaExpress/