Një person ende i paidentifikuar ka grabitur këtë të enjte një institucion financiar në qytetin e Korçës.
Autori ka hyrë në godinë dhe nën kërcënimin e thikës ka rritur të marrë një sasi parash, më pas për t’u larguar në drejtim të paditur.
Policia ka shkuar në vendngjarje dhe ka nisur hetimin dhe kërkimet për kapjen e grabitësit.
NJOFTIMI I POLICISE:
Më datë 04.06.2020, rreth orës 12:00, në lagjen nr. 7, në një zyrë e cila shërben për dhënie kredie, ka hyrë një shtetas i paidentifikuar i cili duke ushtruar presion psikologjik punonjësve me një thikë, dyshohet se ka marrë një sasi lekësh dhe më pas është larguar me shpejtësi.
Grupi hetimor po punon për zbardhjen e rrethanave të ngjarjes.
Shërbimet e Policisë kanë rrethuar zonën dhe po vijonë kontrollet për kapjen e autorit.