Këndi i ëmbëlsirave, Kurti u jep bakllava zyrtarëve të Qeverisë për Bajram

Gazeta Express

26/05/2020 15:17

Kryeministri i Kosovës në detyrë, Albin Kurti, ka shërbyer sot stafin e tij me bakllava, për nder të festës së Fitër Bajramit

Kjo është bërë e ditur nga zëdhënësi i Qeverisë, Përparim Kryeziu, i cili ka shpërndarë në Facebook fotografitë ku Kurti shihet duke shpërndarë bakllava.

“Kryeministri në detyrë, sot, ditën pas pushimit për nder të Fitër Bajramit, në fillim të orarit të punës, priti dhe i shërbeu me bakllava zyrtarët që punojnë në ndërtesën e Qeverisë”, ka shkruar Kryeziu.

Në fotot e publikuara nga Kryeziu, përveç një pjesëtari të sigurimit, personat tjerë, përfshirë edhe kryeministrin, nuk kanë qenë të pajisur me mjete mbrojtëse.