KEDS: Mbi 550 punëtorë janë në terren duke sanuar prishjet

Gazeta Express

05/02/2020 16:13

Rreth 550 punëtorë të KEDS-it janë vazhdimisht në terren që nga dita e djeshme duke i sanuar dëmet që i bën erërat e forta një natë më parë.

“Nga terrenet fushore, deri në bjeshkë, ata gjatë gjithë kohës janë në terren duke ndërruar shtylla, përcues dhe pajisje tjera përcjellëse të rrjetit, të dëmtuara nga erërat që po shkojnë deri në 100 kilometra në orë. Rrjeti po goditet edhe nga faktorët tjerë ekstern si nga copëza të kulmeve, drunj të thyer e gjesënde tjera që kanë vështirësuar funksionimin dhe punën e tyre. Por, kjo nuk po I ndal. Falë punës së palodhshme të tyre, numri i prishjeve është përgjysmuar”, thuhet në një komunikatë për media të KEDS.

KEDS për t’jua lehtësuar punëtorëve po huazon kamionë me vinca sipas nevojës. “Të njëjtën kohë, edhe komunat e Istogut dhe Klinës na kanë ndihmuar me pajisje shtesë që prishjet të evitohen në kohën më të shkurtër të mundshme, të cilat i falënderojmë”, thotë KEDS.