KE: Niveli i borxhit publik në Shqipëri 79,9% më i lartë ndër vendet kandidate për tu integruar në BE

Shqiperi

Gazeta Express

23/01/2021 17:22

Sipas vlerësimeve të komisionit Europian për tre-mujorin e fundit të 2020 niveli i borxhit publik në Shqipëri është më i larti në rajon, duke u vlerësuar që ka arritur në 79.9% .

Kjo e ndikuar direkt nga rënia ekonomike dhe pandemia. Pas Shqipërisë renditet Mali i Zi dhe Maqedonia ndërkohë që Kosova shteti më i ri në rajon rezulton me nivelin me të ulët të borxhit.

Sipas vlerësimeve të Komisionit Europian pavarësisht krizës ekonomike të ndikuar, Kosova rezulton se e ka nivelin e borxhit publik vetëm 25.7%. Nëse bëjmë një krahasim me vitin 2019 treguesit financiarë të vendeve të rajonit janë përkeqësuar në tërësi.

Ndërkohë përsa i përket rritjes ekonomike Komisioni Europian thekson se gjatë 2020  Shqipëria do të ketë një tkurrje prej 6.8% ndërsa rikuperimi gjatë këtij viti duket i vogël.Sipas raportit të Komisionit Europian rritja gjatë 2021 pritet të jetë vetëm 3.7% që rezulton të jetë niveli më  i ulët në krahasim me vendet e rajonit.

Pandemia  ka ndikuar gjithashtu edhe në rritjen e papunësisë e ndikuar direkt nga mbyllja e një sërë bizneseve në vend.Po ashtu niveli i pagave ka pësuar një rënie pothuajse në të gjithë sektorët e ekonomisë duke përjashtuar vetëm disa segmente publike.